Faqe e parëArkivëKontaktRSS

Importet e realizuara gjatë 5-mujorit të parë të këtij viti, në degën e doganës në portin e Vlorës në disa mallra të akcizës, kanë shënuar një rritje të konsiderueshme, krahasuar me të njëjtën periudhë të vitit të kaluar. 
Kryetari i degës së kësaj dogane, Hysni Sharra, thotë se “gjatë kësaj periudhe janë zhdoganuar 492 tonë kafe dhe 2345 tonë birrë, nga 417 tonë dhe 1200 tonë, që ishin treguesit respektivë për 2007”.  Sipas tij, gjatë kësaj periudhe, madje edhe për qershorin, nuk ka patur zhdoganime të cigares dhe të naftës, ndërkohë që në gazin e lëngshëm sasia ka qenë e njëjtë me atë të importuar në 5-mujorin e parë të vitit të kaluar.
"Për muajt e deritanishëm të këtij viti, në portin e Vlorës janë përpunuar dhe zhdoganuar rreth 22 mijë tonë gaz i lëngshëm, gjë që përkon me të njëjtën sasi edhe me periudhën respektive të vitit 2007", sqaroi Sharra. Rritja e treguesve të mësipërm është shoqëruar edhe me shtim të të ardhurave. 
Kështu, për 5-mujorin, niveli i të ardhurave në degën e doganës së Vlorës u rrit me 10 përqind, krahasuar me të njëjtën periudhë të vitit të kaluar. Në total, u arkëtuan rreth 1.735 miliard lekë, osë 157.8 milionë lekë, më shumë se 5-mujori i parë i vitit 2007.

Emri	:
E-mail	:
Komenti	:
Kodi	:	Shkruani kodin qe shihni me larte...

Shenim

  Stafi i faqes ka te drejte te fshije te gjithe
  komentet qe nuk i pershtaten temes...

• Faqe e pare
• Foto Lajm
• Kontakt
• Arkive
• Argetim