Faqe e parëArkivëKontaktRSS

Zv/ministri i Brendshëm, Ferdinand Poni dhe drejtori  i Gjendjes Civile austriake, z. Helmut Prugger, nënshkruan të mërkurën, në ambientet e Ministrisë së  Brendshme në Tiranë, marrëveshjen për zbatimin e projektit mbi dixhitalizimin e regjistrit themeltar të shtetasve shqiptarë.
Zbatimi i këtij projekti me vlerë 1.3 milionë euro parashikon dhe mbështetjen  operacionale për një perudhë kohore  dy vjeçare. 
Pas nënshkrimit të kësaj marrëveshjeje, zv/ministri Poni u shpreh se ”zbatimi i projektit është një hap përpara për hyrjen e natyrshme të Shqipërisë në moshën dixhitale, një garanci më e madhe për hartimin e listave zgjedhore në mënyrë korrekte, si dhe një bazë e sigurtë për prodhimin e letërnjoftimeve elektronike dhe pasaportave biometrike”.
Duke vlerësuar mbështetjen e Ministrisë së Brendshme të Austrisë, zv/ministri Poni  tha se “zbatimi i këtij projekti është hap përpara edhe për konsolidimin e institucioneve demokratike, pasi jep mundësinë e përfitimit të një prej sistemeve më të sigurta në Europë, ndoshta më të mirin”.
Ndërkohë, Drejtori Prugger vlerësoi se zbatimi i projektit mund të shërbejë si një bazë e mirë për të gjitha projektet elektronike të qeverisë shqiptare. Ai premtoi angazhimin maksimal të palës austriake në realizimin me sukses të këtij projekti në Shqipëri.
Gjatë nënshkrimt të marrëveshjes ishin të pranishëm dhe Ministri i Brendshëm, Bujar Nishani dhe  ambasadori i Republikës së Austrisë, Klauss Derkowitch.

Emri	:
E-mail	:
Komenti	:
Kodi	:	Shkruani kodin qe shihni me larte...

Shenim

  Stafi i faqes ka te drejte te fshije te gjithe
  komentet qe nuk i pershtaten temes...

• Faqe e pare
• Foto Lajm
• Kontakt
• Arkive
• Argetim